आमाले नै गरिन नवजात शिशुको हत्या
तनहुँको कोटदरवार गाविस–८ ढुङ्गागाडेकी २८ वर्षीया बालकुमारी नेपालीले अवैध गर्भधारण गरेर जन्माएकी शिशुको भदौ ५ गते हत्या गरेको प्रहरीसँगको बयानमा बताएको जिल्ला प्रहरी कार्यालय तनहुँले जनाएको छ ।
सोही वडामा पर्ने घर नजिकैको जङ्गलमा खाडल पुरिएको अवस्थामा शिशुको शव फेला परेको प्रहरीले जनाएको छ ।
सोही वडा बस्ने कमला बिकले भदौ ८ गते लिखित किटानी जाहेरी दिएपछि प्रहरीले अनुसन्धान थालेको हो । अभियुक्त नेपालीलाई प्रहरीले नियन्त्रणमा लिई आवश्यक अनुसन्धान थालेको बताइएको छ ।
Watch Video
प्रकाशित मिति:
August 26, 2012
