दुर्घटनामा ट्राफिक प्रहरीको मृत्यु
भदौ ८, रासस– आज बिहान सल्लाघारीमा सवारी चेकजाँच गर्ने क्रममा तीब्र गतिमा सूर्यविनायकतर्फ जाँदै गरेको बा४०प १३८९ नम्बरको मोटरसाइकललाई रोक्ने क्रममा भएको मोटरसाइकल दुर्घटनामा परेर घाइते भएका ट्राफिक प्रहरीको उपचारको क्रममा मृत्यु भएको छ ।
सवारी चेकजाँचमा संलग्न ट्राफिक प्रहरी जवान प्रदीप राईको बिएन्डबी अस्पतालमा उपचारको क्रममा मृत्यु भएको प्रहरीले जनाएको छ ।
गम्भीर घाइते भएका उनको अण्डकोषमा क्षति भएको र हातखुट्टासमेत भाँचिएको प्रहरीले जनाएको छ ।
भक्तपुरको सूर्यविनायकतर्फ जाँदै गरेको मोटरसाइकल चेकजाँचका क्रममा भाग्न खोज्दा सडकको फलामको बारमा गएर ठोक्ँिकदा दुर्घटना भएको थियो ।
दुर्घटनामा काठमाडाँैको गोठाटार घर भई शङ्खमूलस्थित कोलम्बस कलेजमा अध्यनरत १९ वर्षका रोशन थापाको शिक्षण अस्पताल महाराजगञ्जमा उपचारको क्रममा मृत्यु भएको थियो ।
मोटरसाइकलको पछाडि बस्ने दीपक खत्री गम्भीर घाइते भएका छन् । उनको शिक्षण अस्पतालमा उपचार भइरहेको छ ।
Watch Video
प्रकाशित मिति:
August 24, 2012
