पुस २१ – बेलायतमा छुट्टि मनाउन पुगेका नेपाली सेनाका महासेनानी कुमार लामालाई बेलायती कानुन अनुसार २० वर्षसम्म जेल सजाय हुन सक्ने सम्भावना रहेको छ ।
मानवअधिकारवादी संस्था इन्सेकका अध्यक्ष सुवोधराज प्याकुरेलले बेलायती अदालतले उनलाई २० वर्षसम्मको कैद सजाय दिनसक्ने बताएका हुन् । तर उनी विरुद्ध प्रमाण जुटाउन बेलायतका प्रहरी नेपाल आउनै पर्ने भने हुन्छ ।
नेपालमा यातनाविरोधी कानुन नभएकाले कर्णेल लामाले बेलायतमा सजाय भोग्नुपर्ने अवस्था आएको मानवअधिकारवादीहरूको भनाई छ ।
मानव अधिकारवादी सुवोध प्याकुरेलले नेपालमा जारी १० वर्षे जनयुद्धमा युद्ध अपराध भएको उजुरी परेपछि उनलाई प्रहरीले पक्राउ गरेको भन्दै प्रमाण जुटाउने सिलसिलामा बेलायतका प्रहरी नेपाल आउन सक्ने र त्यतिबेला नेपालले सहयोग गर्नुपर्ने पनि बताएका छन् ।
त्यहाँ सन् २००५ मा यही प्रकृतिको आरोपमा मुछिएका एक अफगानीलाई २० वर्षको जेल सजाय दिइएको थियो ।
तर उनलाई त्यतिकै छाड्न पनि सम्भावना रहेको र अनुसन्धानबाट दोषी देखाउन पनि सक्ने दुवै सम्भवना भने उत्तिकै छ ।
यो पनि पढ्नुहोस्
नेपाली सेनाका कर्णेल लामा बेलायतमा किन परे पक्राउ ?
