प्रचण्डलाई हराउन अध्यक्ष खनाल र नेपालबी कुरा मिल्यो
कात्तिक २८ । आसन्न निर्वाचनमा एमाओवादी अध्यक्ष पुष्पकमल दाहाल प्रचण्डलाई हराउनका लागि एमाले अध्यक्ष झलनाथ खनाल र बरिष्ठ नेता माधव नेपालबीच कुरा मिलेको छ ।काठमाडौं १० र सिरहा ५ बाट उम्मेदवारी दिएका प्रचण्डलाई हराउन दुवै क्षेत्रमा आफूहरु नै सहभागी हुने विषयमा उनीहरुसँग कुरा मिलेको हो ।
स्रोतका अनुसार प्रचण्ड एमालेका विरुद्ध खरो रुपमा उत्रिएपछि एमालेका नेताहरु पनि प्रचण्डसँग रुष्ट हुन पुगेका थिए ।
फलस्वरुप सिरहा ५ मा खनाल र किर्तिपुरमा नेपाल गएर त्यहाँ आयोजना हुने चुनावी सभामा उनीहरुले प्रचण्डका विरुद्ध खुलेरै भोट माग्ने बताइएको छ ।
सिरहा ५ मा भने प्रचण्डको मुख्य प्रतिस्पर्धी एमाले उम्मेदवार छन् भने किर्तिपुरमा कांग्रेस उम्मेदवार छन् ।
राजनीतिक विश्लेषकहरुले एमाले र कांग्रेसबीच आन्तरिक रुपमा यी दुई ठाउँमा सानो किसिमको तालमेल पनि प्रचण्ड हार्न सक्ने अनुमान गरेका छन् । तर, दुई पार्टीबीच अहिलेसम्म आन्तरिक रुपमा पनि तालमेल भएको भने छैन ।
प्रकाशित मिति:
November 14, 2013
