काठमाडौं २७ भदौं
व्यवस्थापिका संसदको राज्य व्यवस्था समितिले स्थानीय तहमा कर्मचारी समायोजन सम्बन्धी विधेयकको विषय टुंग्याउन पूर्व सामान्य प्रशासन मन्त्री रेखा शर्माको संयोजकत्वमा एक उपसमिति गठन गरेको छ ।

समितिको सोमबार बसेको बैठकले नेकपा माओवादी केन्द्र संसदीय दलकी प्रमुख सचेतक समेत रहेकी शर्माको संयोजकत्वमा ९ सदस्यीय कर्मचारी समायोजन सम्बन्धी उपसमिति गठन गरेको हो ।
उपसमिति संयोजक शर्माले विधेयकका विषयमा परेका संशोधनहरुको अध्ययन गर्ने तथा मन्त्रालय र अन्य सरोकारवालाहरुसँग परामर्शका आधारमा उपसमितिमा सहमति जुटाएर विधेयक समितिमा बुझाउने जानकारी दिइन् । उनले ३ असोजमा बस्ने बैठकमा उपसमितिले विधेयकको विषय टुंगो लगाएर बुझाउने तयारी रहेको समेत जानकारी दिइन् ।

यस्तै, समितिको बैठकले यातना नियन्त्रण सम्बन्धी विधेयकको विषयमा समेत उपसमिति गठन गरेको छ । कांग्रेस सांसद जिवन बहादुर शाहीको संयोजकत्वमा ७ सदस्यीय उपसमिति गठन भएको हो ।

यसमा तपाईको प्रतिक्रिया