घाँटी थिचेर श्रीमतीको हत्या I
बरही बिरपुर–१ निवासी सन्तोषकुमार यादवले २५ वर्षीया श्रीमती रम्भादेवी यादवको घाँटी थिचेर हत्या गरेको जिल्ला प्रहरी कार्यालय सप्तरीले जनाएको छ ।
श्रीमानसहित घरपरिवारका सदस्यहरूले घरायसी विवादमा रम्भादेवीको घाँटी थिचेर हत्या गरेको अवस्थामा आज निजकै घरमा शव फेला परेको प्रहरी नायव उपरीक्षक गोविन्द अधिकारीले जानकारी दिनुभयो ।
मृतकको घाँटीमा चोटपटक र निलडाम देखिएको छ ।
तीन वर्षअघि सन्तोष र बोरिया–८ निवासी श्यामसुन्दर यादवका छोरी रम्भा विवाह बन्धनमा बाँधिएका थिए । उनीहरूको सन्तान छैन् ।
राजविराजस्थित सगरमाथा अञ्चल अस्पतालमा फोरेन्सिक विशेषज्ञ चिकित्सक नभएकाले शव परीक्षणका लागि धरान लैजाने तयारी भइरहेको अस्पताल सुरक्षार्थ खटिएका प्रहरी हवल्दार रामकृष्ण यादवले जानकारी दिए ।
हत्या पश्चात सन्तोषसहित घरका सम्पूर्ण सदस्यहरू फरार छन् । घटनाबारे थप अनुसन्धान भइरहेको जिल्ला प्रहरी कार्यालय सप्तरीले जनाएको छ । रासस
प्रकाशित मिति:
June 20, 2012
