तनहुँमा मोबाइल चार्ज गर्दा करेन्ट लागेर महिलाको मृत्यु
माघ ६ रासस – तनहुँको श्याम्घा गाविस–८ स्थित लोध भन्ने ठाउँमा मोबाइल चार्ज गर्ने क्रममा करेन्ट लागेर आज एक महिलाको मृत्यु भएको छ ।
जिल्ला प्रहरी कार्यालय तनहुँले दिएको जानकारीअनुसार मृत्यु हुनेमा सोही ठाउँ निवासी ५५ वर्षीया लक्ष्मी पाटा रहेकी छन् ।
घटनाको विषयमा विस्तृत जानकारी लिन प्रहरीको एक टोली घटनास्थलतर्फ गएको समेत प्रहरीले जनाएको छ ।
प्रकाशित मिति:
January 19, 2013
