सुन भनेर ठग्नेको बिगबिगी
भदौ ८ – विराटनगरमा सुन देखाएर ठग्नेको बिगबिगी बढेको छ ।
त्यहाँ सुन देखाएर ठग्ने एक गिरोहको बिगबिगी बढेपछि सर्वसाधारण जनता मारमा परेका छन् ।
विराटनरस्थित महेन्द्रचोकअगाडि एकजना व्यक्तिले पितलमा सुनको जलप लगाई आज यहाँ एक जनालाई ठगेका छन् ।
यसरी ठगिनेमा तेह्रथुम पौठा– ६ निवासी भक्तबहादुर शङ्कर छन् । निज शङ्करलाई मङ्गोलियन अनुहारका एकजना व्यक्तिले आफूसँग रहेको नक्कली सुन दिई उनको एक तोला सुनको औँठी ठगी लगेका छन् ।
शङ्करले आफू ठगिएको कुरा प्रहरीलाई खबर गरेपछि ठगको खोजी भइरहेको जिल्ला प्रहरी कार्यालय मोरङले बताएको छ ।
Watch Video
प्रकाशित मिति:
August 24, 2012
