दुई सवारी ठोक्किँदा तीनजना गम्भीर घाइते
भदौ ९ – चितवनमा आज बिहान भएको सवारी दुर्घटनामा परी तीन जना गम्भीर घाइते भएका छन् ।
पृथ्वी राजमार्ग अन्तर्गत चितवनको कुरिनटार नजिकै भएको उक्त दुर्घटनामा परी उनीहरु घाइते भएका हुन् ।
मुग्लिनबाट काठमाडौँतर्फ जाँदै गरेको लु १ च ४२९३ नम्बरको कुखुरा बोकेको जिप र काठमाडौँबाट मुग्लिनतर्फ आउँदै गरेको ना३ख ६०२० नम्बरको ट्रक एकआपसमा ठोक्किँदा जिप चालकसहित जिपमा सवार दुईजना यात्रु गम्भीर घाइते भएका हुन् ।
जिपभित्र च्यापिएको अवस्थामा रहेका जिपचालकलाई क्रेनको सहयोगमा उद्धार कार्य भइरहेको छ भने अन्य दुई यात्रुलाई भने उद्धारपछि प्राथमिक उपचारका लागि कुरिनटारस्थित स्थानीय मेडिकलमा पठाइएको प्रहरीले जनाएको छ ।
Watch Video
प्रकाशित मिति:
August 25, 2012
