भदौ १३ – पोखरामा अन्तर्राष्ट्रियस्तरको क्षेत्रीय विमानस्थल निर्माण गर्न माग गर्दै भदौ १५ र १६ गते पोखरामा आम हड्ताल गरिने भएको छ ।

विमानस्थल निर्माणमा पोखरेलीले गरेको मागलाई सरकारले बेवास्ता गरेको भन्दै विमानस्थल निर्माण सरोकार समितिले यही भदौ १५ र १६ गते पोखरामा आम हड्ताल गर्ने घोषणा गरेको हो ।

विमानस्थल निर्माणमा आलटाल, ढिलासुस्ती र षड्यन्त्र गरेको भन्दै समिितको आह्वानमा दबाब दिन छैटौँ दिनसम्म पोखरेलीले रिले अनसन गरे पनि सरकारले कुनै प्रतिक्रिया नजनाएपछि दुई दिन आमहड्तालको घोषणा गरिएको समितिले जनाएको छ ।

ती दुई दिन पोखरा उपमहानगरपालिका, लेखनाथ नगरपालिकाका सबै कलकारखाना, यातायातका साधन र व्यापार व्यवसाय बन्द गरी विमानस्थलमा गएर धर्ना दिने र हवाई सेवा पनि बन्द गर्ने निर्णय गरिएको छ ।

विरोधका कार्यक्रमअनुसार मंगलबार निजामती कार्मचारीका विभिन्न सङ्गठनहरू पोखराको मुस्ताङचोकमा जम्मा भई जुलुस प्रदर्शन गरेर रिले अनसनस्थलमा आई मानव साङ्ग्लो बनाएर ऐक्यबद्धता जाहेर गरेका थिए ।

यसमा तपाईको प्रतिक्रिया