किन लुकाएर अभिनय गराइन्छ जिया के.सी लाई ?

अश्लीलताको पराकाष्ठ नाघेर अभिनय गरेका कारण नायिका जिया के.सी.को नाम लिन पनि अप्ठ्यारो मान्छन् निर्माता निर्देशक । तर यिनै नायिकालाई लुकाएर चलचित्र भित्रै अभिनय गराएको खुलासा भएको छ । 

पुरुष यौनकर्मीहरुको यथार्थतालाई समेटेर बनाउन लागेको चलचित्र 'जिगीलो'ले शुभमुहुर्त अगावै चर्चा बटुलेको थियो । चलचित्रमा नायिका जिया के.सी. समेत रहेको खुलासा भएको छ ।

चलचित्र 'एटीएम'मा अभिनय गरेपछि नायिका जिया केसीले धेरै विवाद खेपिरहेकी छिन् । यतिसम्मकी निर्माता निर्देशकले यिनको नाम पनि खुलाउन हिचकिचाउँछन् । चलचित्र जिगीलोको शुभमुहुर्तमा समेत देखा नपरेकी यि नायिकाको नाम प्रेस विज्ञप्तिमा समेत थिएन ।

प्रभावकर श्रेष्ठको निर्माणमा तयार भईरहेको सिनेमा जिगीलो भित्र मुख्य नायिकाको रुपमा अभिनय गर्ने भनेर माहि सिलवालको नाम सार्वजनिक गरिएको थियो । अहिले उपत्यकाको विभिन्न ठाउँमा छायांकन भइरहेको यस चलचित्रमा नायिका जिया के.सी समेत रहेको रहस्य खुलासा भएको छ । यस विषयमा बुझ्दा उनले पनि आफू चलत्रिमा अनुवन्धित भएको स्विकारेकी छिन् ।

एटीएम भन्ने चलचित्रमा नायिका जियाले अपाच्य अभिनय गरेकी थिइन्, जसले गर्दा उनी खुलेर अभिनय क्षेत्रमा लाग्न सकेकी छैनन् ।