असोज २३ – एक जना सैनिक जवानले आफ्नै श्रीमती र छोराको विभत्स तवरले हत्या गरेको खुल्न आएको छ ।

भैरव गण दिपायलमा कार्यरत एक सैनिक जवानले आफ्नै श्रीमती र छोरीको हत्या गरेको प्रहरी अनुसन्धानबाट खुलेको हो ।

कञ्चनपुरको कृष्णपुर–५ गुलरिया घर भएको सैनिक जनाव चन्द्रबहादुर ऐरीले बैतडी खोड्पे ल्याएर आफ्नै २४ वर्षीया श्रीमती धनसरा ऐरी र चार वर्षीया छोरी सरस्वतीको हत्या गरेको पुष्टि भएको छ ।

आफू अछाममा कार्यरत भएको त्यही लैजान्छु भन्दै झुक्याएर गत भदौ २८ गते बैतडी खोड्पे पु¥याएको र त्यहाँबाट १५ मिनट हिडाएर पूर्वतर्फको जङ्गलमा पु¥याई हतौडाले हिर्काएर हत्या गरेको प्रहरीले जनाएको छ ।

“आमाछोरीको हत्या गरिसकेपछि काँसले बेरेर आगो लगाई शरीर डढाइदिएको अनुसन्धानबाट खुलेको छ” बैतडीका प्रहरी प्रमुख कार्कीले भनेको छन् ।

सैनिक जवान ऐरीले भदौ २७ गतेदेखि असोज २ गतेसम्मको बिदा लिए पनि ३० गते नै गणमा हाजिर भएको खुलेको छ ।

उनलाई यही असोज ५ गते दिपायलस्थित उनी कार्यरत ब्यारेकबाटै प्रहरीले पक्राउ गरेको थियो ।

यसमा तपाईको प्रतिक्रिया