प्रहरीमा भर्ना गरिदिन्छु भन्ने पक्राउ
माघ ६ – प्रहरीमा भर्ना गरिदिन्छु भनी प्रहरी भर्नाका प्रशिक्षार्थीसँग रकम असुल गर्ने एक जना ठगलाई जिल्ला प्रहरी कार्यालय, बाँकेले शुक्रबार साँझ पक्राउ गरेको छ ।
नेपाल प्रहरीमा खुलेको प्रहरी भर्नाका लागि सुर्खेत छिन्चु—१ का नरबहादुर मल्लसँग रु एक लाख असुलेको आरोपमा नेपालगन्ज—१ धम्बोझी निवासी ६३ वर्षीय लालबहादुर खत्री पक्राउ परेका हुन् ।
जिल्ला प्रहरी कार्यालयले अभियुक्तविरुद्ध ठगीको मुद्दा दर्ताको प्रक्रियासमेत अघि बढाएको जिल्ला प्रहरी प्रमुख विक्रमसिंह थापाले बताएका छन् ।
प्रकाशित मिति:
January 19, 2013
