मोटरसाइकल दुर्घटनामा एमाले नेताको मृत्यु
असोज २० – नेकपा (एमाले) दाङका क्षेत्र नं ३ का अध्यक्ष घनश्याम बुढाथोकीको शुक्रबार मोटरसाइकल दुर्घटनामा परी मृत्यु भएको छ ।
जिल्ला प्रहरी कार्यालय दाङका प्रमुख लोकेन्द्र मल्लका अनुसार घोराहीको दीपशिखा सडकमा लु १० प ९४७१ नम्बरको मोटरसाइकल र बुढाथोकी सवार लु ६ प ७८१७ नम्बरको मोटरसाइकल ठोक्किदा उनको मृत्यु भएको हो ।
मोटरसाइकल दुर्घटनामा परी गम्भीर घाइते भएका बुढाथोकीलाई राप्ती उपक्षेत्रीय अस्पताल घोराहीमा सामान्य उपचारपछि थप उपचारका लागि नेपालगन्ज लगिँदै गर्दा बाटोमा नै मृत्यु भएको हो ।
यसैबीच बुढाथोकीको आज भएको असामयिक निधनको नेकपा (एमाले) दाङले दुःख व्यक्त गरेको छ । एमाले दाङका अध्यक्ष नरुलाल चौधरीले शोक विज्ञप्ति निकालेर दुःख व्यक्त गरेका छन् । – रासस
प्रकाशित मिति:
October 06, 2012
