असोज २० – अरिङ्गाालले टोकेर आफ्ना दुई छोराछोरीको मृत्यु भएपछि सोलुखुम्बुमा एक महिलाले आफ्नै घाटीमा खुकुरी हानेर आत्महत्याको प्रयास गरेकी छन् ।

सोताङ–३ नार्केल निवासी इन्द्रबहादुर राईकी २८ वर्षीय अम्बिका राईले आफ्नै घाँटीमा खुकुरी हानी आत्महत्या प्रयास गरेकी हुन् ।

घाँटीमा खुकुरी प्रहार गरी बेहोस भएकी अम्बिकाको प्राथमिक स्वास्थ्य केन्द्र सोताङमा उपचार भइरहेको छ ।

घरनजिकै खेल्दै गर्दा अरिङ्गालले टोकेर नौ वर्षीय छोरी बिनिता र पाँच वर्षीय छोरा सुशीलको मृत्यु भएपछि आमा अम्बिकाले आत्महत्याको प्रयास गरेको प्रहरीले जनाएको छ ।

अरिङ्गालले टोकेपछि उपचारका लागि प्राथमिक स्वास्थ्य केन्द्र सोताङ ल्याउने क्रममा बिनिताको र उपचारपछि घर फर्केपछि सुशीलको मृत्युभएको थियो ।

घाँटीमा चोट लागेर प्राथमिक स्वास्थ्य केन्द्रमा उपचार गराइरहेकी अम्बिकाका श्रीमान् ईन्द्रबहादुर राई वैदेशिक रोजगारका क्रममा विदेशमा छन् ।

यसमा तपाईको प्रतिक्रिया