संस्थानले दसैँको समयमा काठमाडौँ उपत्यकामा मासुको अभाव हुन नदिई बजार मूल्यमा सन्तुलन कायम गर्न खसी बोका ल्याएर बिक्री गर्न लागेको हो ।
संस्थानका प्रवक्ता ईन्द्रप्रसाद सिटौलाले यही असोज ३० गतेसम्म बाँके र मकवानपुरबाट खसी बोका खरिद गरी काठमाडौँमा ल्याउने र त्यसको लागतको अनुपातमा मूल्य निर्धारण गरेपछि बिक्री वितरण गर्ने बताए ।
सम्बन्धित जिल्लाका प्रमुख जिल्ला अधिकारीको संयोजकत्वमा जिल्ला पशु विकास अधिकारी र संस्थानको अञ्चल कार्यालय प्रमुखसहितको समूहले किसानले उत्पादन गरेका खसी बोकालाई आवश्यक परीक्षण गरी स्वस्थ्य रहेका खसी बोकालाई खरिद गरिनेछ ।
सस्थानले दसैँको समयमा अत्याधिक मासुको माग बढ्ने भएकाले बजारलाई व्यवसायीको एकाधिकार हुन नदिन प्रत्येक वर्ष दसँैको समयमा उपत्यका बाहिरबाट खसी बोका खरिद गरी राजधानीमा ल्याई बिक्री गर्दै आइरहेको छ ।
संस्थानले गत वर्ष दुई हजार ५०० खसी बोका ल्याएकोमा यसपटक तीन हजार वटा ल्याउने र त्यसका लागि करिब रु एक करोड ८४ लाख विनियोजन गरिएको प्रवक्ता सिटौलाले जानकारी दिए ।
