इलाममा बस दुर्घटना हुँदा तीनको मृत्यू
लक्ष्मी गौतम, माघ ५ - इलामको बाँझोमा शुक्रबार दिँउसो बस दुर्घटना हुँदा ३ जनाको मृत्यू भएको छ ।
झापा तोपगाछीकी १ वर्षीय प्रकीति लिम्वुको घटना स्थलमा नै मृत्यू भएको छ भने बाँझो ४ की ७० वर्षीय चन्देश्री लिम्बु र नाम थर खुल्न नसकेका एक पुरुषको दमक स्थित लाइफ लाइन अस्पतालमा उपचारको क्रममा मृत्यू भएको जिल्ला प्रहरी कार्यालय इलामले जनाएको छ ।
दमकबाट रबि जाँदै गरेको मे १ ख ३८७ नम्मरको बस फाल्गुनन्द मार्ग अन्तरगत बाँझो ८ मा दुर्घटना भएको हो ।
दुर्घटनामा घाइते भएकाहरुको दमक स्थित लाइफ्लाइन अस्पतालमा उपचार भइरहेको छ ।
प्रकाशित मिति:
January 18, 2013
