पुस २५– नेकपा–माओवादीका डोटी इन्चार्ज चन्द्रदेव ओझालाई पार्टीले कारबाही गरेको छ ।

मोहन वैद्य नेतृत्वको माओवादीका डोटी इन्चार्ज ओझालाई आर्थिक अनियमितता गरेको आरोपमा पार्टीले महाधिवेशन सुरु हुन एक दिन अगाडी कारबाही गरी पार्टीबाट निलम्बन गरिएको हो ।

सेती महाकाली राज्य कार्यालयको मंगलबार साँझ बसेको विस्तारित बैठकले ओझाले पार्टी भित्र गुटबन्दी गरेको, अन्य पार्टीसंग साँठगाँठ गरेको, आर्थिक अनियमितता गरेको साथै पार्टी नीति, निर्देशन र आचरण विपरित कार्य गरेकोले विधानको धारा २२ को उप धारा १ बमोजिम केन्द्रीय कार्यालय र ब्यूरो कार्यालयको अनुमति लिई पार्टीको सम्पूर्ण जिम्मेवारीबाट निलम्बन गरिएको हो ।

बैठकपछि जारी विज्ञप्तिमा उनको विषयमा तत्काल छानविन प्रक्रिया अगाडि बढाई थप कारबाहीको लागि अघि बढ्ने निर्णय गरिएको पनि उल्लेख गरिएको छ ।

यसमा तपाईको प्रतिक्रिया