एलडिओको निवासमै तीन/चार जनाको समूह गएर बम पड्काए
चैत्र १६ - सिरहा जिल्लाका एलडिओ निवासमा आज साँझ अज्ञात समूहले बम विष्फोट गराएका छन् ।
बम विष्फोटबाट कुनै मानविय क्षति भने नभए पनि एलडिओ क्वाटरमा ओछयाइएको कार्पेट र झयालमा क्षति पुगेको बताइएको छ ।
तीन/चार जनाको समूहले एलडिओ निवासमा केही फालेको केहीबेरमै विष्फोट भएको जनाइएको छ । विष्फोटपछि निवासमा आगो सल्केको थियो । विष्फोटका बेला भवन खाली रहेकाले मानवीय क्षति नभएको हो भने प्रहरीले आगो नियन्त्रणमा लिएको थियो ।
तराई कम्युनिष्ट पार्टी नामक भूमिगत संगठनले स्थानीय विकास अधिकारी विजयराज सुवेदी जिल्ला विकासलाई भ्रष्टाचारको केन्द्र बनाइ अतुक सम्पत्ति आर्जन गरेकाले चेतावनीस्वरुप विष्फोट गराएको भन्दै घटनाको जिम्मेवारी लिएको छ ।
प्रकाशित मिति:
March 29, 2013
