जेठ २२ । बेलायतमा बस्दै आएकी एक नेपाली महिलाको बलात्कारपछि हत्या भएको छ ।

पाँचथर थर्पु– ६ स्थायी घर भएकी ४० वर्षीया कृष्णमाया माबोको बेलायतस्थित रेडिङ सहर नजिक आर्वरफिल्ड एरियामा बलात्कापछि हत्या गरिएको हो ।

गत आइतबार साँझ ६ बजे घरबाट हिंड्डुल गर्न निस्किएकी माबो मध्यरातसम्म घर नफर्किएपछि प्रहरीले गरिएको उजुरीका आधारमा प्रहरीले राति नै हेलिकप्टर र कुकुरको सहायतामा खोजी कार्य गरेको थियो । तर त्यो रात भने केही पत्ता लागेन ।

भोलिपल्ट सोमबार पुनः खोजी गर्दा घरबाट करिब दुई माइल टाढा रोविन हुड कोप्स्को गहुँबारीमा दिउँसो एक बजेतिर शव भेटिएको उनका श्रीमान ठालुमान माबोले बताएको कान्तिपुरको अनलाइन संस्करण इकान्तिपुरले उल्लेख गरेको छ ।

समाचार उल्लेख भए अनुसार ठालुमान ब्रिटिश आर्मीमा १६ वर्ष जागिर गरेर अवकासपछि हाल आर्मीकै एमपीजिएसमा कार्यरत छन् । उनका अनुसार, कृष्णमायाको बलात्कारपछि हत्या भएको प्रारम्भिक अनुसन्धानमा पत्ता लागेको छ । शव हाल रोयल बक्र्ससायर हस्पिटल रेडिङमा राखिएको छ ।

सन् २००० देखि बेलायत बस्दै आएकी कृष्णमायाका श्रीमान, एक छोरा र दुई छोरी छन् । त्यहाँको प्रहरीले हत्याको आशका एक जनालाई पक्राउ गरी अनुसन्धान गरिरहेको बताए पनि अन्य भने खुलाएका छैन ।

यसमा तपाईको प्रतिक्रिया