घाइते भएको दुई महिनापछि पत्रकार भण्डारीलाई उपचारार्थ सहयोग
असार ४ । घाइते भएको दुई महिना पछि पत्रकार जीवन भण्डारीले उपचारका लागि सहयोगार्थ रकम पाएका छन् ।गत बैशाख २३ गते पत्रकार महासंघको आन्दोलनका क्रममा घाइते भएका पत्रकार भण्डारीलाई आज उपचारका लागी सहयोग रकम हस्तान्तरण गरिएको हो ।
राजधानीमा गरिएको कार्यक्रममा पत्रकार भण्डारीलाई संचार सहकारी संस्थाका अध्यक्ष विष्णु निष्ठुरी र रिपोटर्स क्लव नेपालका अध्यक्ष ऋषि धमलाले सहयोग रकम प्रदान गरेका हुन् ।
आन्दोलनका क्रममा प्रहरी हस्तक्षेपका कारण वायाँ खुट्टामा चोट लागेका पत्रकार भण्डारीको राजधानीमा रहेको ग्राण्डी अस्पतालमा उपचार गरिएको छ ।
पत्रकार भण्डारी नेपाल प्रेस युनियन काठमाण्डौका उपाध्यक्ष र नेपालवाणी नेटवर्कका समाचार प्रमुखका रुपमा आवद्ध छन् ।
प्रकाशित मिति:
June 18, 2013
