एमाले सभासद्द्धारा जिउँदै व्यक्तिलाई मृत भनी मोहीको लगतकट्टा
माघ २७ । एक जना नेकपा एमालेका सभासद्ले जिउँदै व्यक्तिलाई मृत भनी मोहीको लगतकट्टा गरेको खुल्न आएको छ ।पर्सा ५ बाट निर्वाचित नेकपा एमालेका सभासद जयप्रकाश थारुले जिउँदै व्यक्तिलाई मृत भनी मोहीको लगतकट्टा गरिएको खुलेको हो ।
उनले सुपौली गाविसको उपाध्यक्ष छँदा मोही बिजबनिया ६ का देवराज हजरा मरिसकेको र हक खाने कोही जीवित नरहेको भनी भुमिसुधार कार्यालय पर्साबाट मोही कट्टा गरेको नागरिक दैनिकमा खबर छ ।
देवराज बितेपनि उनका छोरा बागड हजारा आफू जिउँदै रहेको भनी तीन वर्षदेखि अदालत धाइरहेका छन्। बागडको परिवारमा श्रीमती, चार छोराबुहारी र आधा दर्जन नातिनातिना छन्।
प्रकाशित मिति:
February 10, 2014
