गाडी दुर्घटनामा परी २ को मृत्यु, ४ घाईते

दिप बहादुर घर्ति

जाजरकोट ४ वैशाख । जाजरकोट खलंगा पाँचकाटिया सडक खण्डको तातापानीमा बुधवार बिहान गाडी पल्टिदा २ जनाको मृत्यू हुनुका साथै ४ जना घाईते भएका छन । सडक स्तर उन्नतीको काम भैरहेको बेला जवर्जस्ती गाडी हालेपछि गाडी दुर्घटना भएको हो ।

१० जना सवार बोकेको भे.१ ज. ६०४ नंम्बरको मुस्ताङी गाडी खलंगा देखि पाँचकाटिया तर्फ जादै गरेको अबस्थामा खलंगा ६ तातापानीमा पल्टीएर ५०/६० मिटर लत पुगेको हो ।

मृत्यू हुनेमा खलंगा ७ तिमीलेका डण्डवीर वली र ढिमे ४ का रामराजा सिंह रहेको नेपाल प्रहरीले जनाएको छ । प्रहरीकानुसार घाईते हुनेमा  ढिमे ८ की अनारकली रोकाय उनका छोराहरु लोकेन्द्र रोकाय, किरण रोकाय र खलंगा ५ पोखराकी कौसिला विक रहेका छन   भने अन्यको अबस्था समान्य रहेको छ । घाईतेहरुको उपचार जिल्ला अस्पताल जाजरकोटमै भईरहेको छ । अस्पतालकानुसार घाईतेहरुको उपचार जिल्लामै गर्न सकिने बताएको छ ।

उक्त सडक खण्डमा हलुका यातायातका साधनहरु अहिले चल्न सकिरहेका छैनन् । मृतकका आफन्त र त्यस क्षेत्रका सर्वसाधारणहरु निकै आक्रोशित भएको खलंगा ६ का पृर्थी बहादुर शाहीले बताएका छन ।