पिएलएको अधिवेशन सम्पन्न, अध्यक्षमा भण्डारी, महासचिवमा गुरागाईं
कार्यसमितिका पाँच उपाध्यक्षहरूमा बैकुण्ठ दाहाल (पूर्वाञ्चल), भोजराज सुवेदी (मध्यमाञ्चल), ज्ञानु केसी (पश्चिमाञ्चल), तीर्थ ज्ञवाली (मध्यपश्चिमाञ्चल) रामबहादुर केसी (सुदूरपश्चिमाञ्चल) तथा महासचिवमा केदार गुरागाईं, सचिवमा कपिलचन्द्र पोखरेल र कोषाध्यक्षमा हरिन्द्रप्रसाद राई निर्वाचित भएका छन् ।
यसैगरी, सदस्यहरूमा नरेश खड्का, खासमान लिम्बू, शान्ति कक्षपती, पृथ्वीनाथ राई, बालकृष्ण गैरे, पुरुषोत्तम नेपाल, गङ्गाबहादुर कोइराला, बालकृष्ण बराल र गोविन्द च्वाईं निर्वाचित भएका छन् ।
सम्मेलनले सङ्घीय गणतन्त्रात्मक नयाँ संविधान निर्माण गर्ने, जनउत्तरदायी स्वतन्त्र एवम् सक्षम न्यायपालिका बनाउने, न्यायाधीशको नियुक्ति प्रक्रिया पारदर्शी बनाउने र न्यायाधीश नियुक्तिमा नेपाल बारबाट ५० प्रतिशत हिस्सा लिने, बेपत्ता नागरिकलाई शीघ्र सार्वजनिक गर्नेलगायतका नौबुँदे प्रस्ताव पारित गरेको छ ।
प्रकाशित मिति:
September 11, 2014
