वाम गठबन्धनबाट डर त्रासको शासन आउला भनेर जनता डराए : प्रधानमन्त्री
धनगढी, ३० कात्तिक । प्रधानमन्त्री एवं नेपाली काँग्रेसका सभापति शेरबहादुर देउवाले वाम गठबन्धनबाट डर त्रासको शासन आउला भनेर जनता डराएको भन्दै पुनः वामप्रति आक्रोश पोखेका छन् ।वाम गठबन्धन बनेपछि लगातार रुपमा आरोप लगाउँदै आएका देउवाले पुनः वामप्रति आक्रोश पोखेका हुन् ।
नेपाल प्रेस युनियनले गरेको कार्यक्रममा उनले देश डर त्रासबाट मुक्त समाज भइरहेका बेला बनाइएको वाम गठबन्धनबाट डर त्रासको शासन आउने, कम्युनिस्ट अधिनायकवाद र तानाशाही आउँछ कि भनेर जनता डराएको बताएका हुन् ।
विपक्षी नेताहरुले देउवा काँग्रेसका अन्तिम प्रधानमन्त्री हुन् भनेर दिएको अभिव्यक्तितर्फ टिप्पणी गर्दै देउवाले ज्योतिषीले सात पटक प्रधानमन्त्री हुन्छस् भनेको बताए । “उनीहरुले भनेर हुन्छ, ज्योतिषले सातपटक प्रधानमन्त्री हुनुहुन्छ भनेको छ ।” उनले भने ।
उनले देशभरि शान्ति सुरक्षाको व्यवस्था सुदृढ र चुस्त पारिएकाले आगामी निर्वाचनमा निर्धक्कसँग मतदानमा सहभागी भएर निर्वाचन सफल पार्न अपिल पनि गरे ।
प्रकाशित मिति:
November 16, 2017
