विक्रम पाण्डे चुनावी मैदानमा मात्र हो, मेरो प्रतिद्वन्दी होइन : प्रचण्ड

काठमाडौं १८ मंसिर

नेकपा माओवादी केन्द्रका अध्यक्ष पुष्पकमल दाहाल प्रचण्डले आफ्नो निर्वाचन क्षेत्रमा लोकतान्त्रिक गठबन्धनबाट उम्मेदवार रहेका विक्रम पाण्डे चुनावी मैदानमा मात्र भएको तर आफ्नो राजनीतिक प्रतिद्वन्दी नभएको बताएका छन् ।

‘नेपालको राजनीतिक परिवर्तनको निम्ती, सामाजिक न्याय र सम्बृद्धको निम्ती मैले जे–जस्तो योगदान गरेको छु, त्यो तुलना विक्रम पाण्डेसँग हुने कुरै होईन् ।’ चितवनमा आयोजित चुनावी सभामा उनले भने ।

प्रचण्डले चुनावी मैदानमा भएपनि पाण्डे आफ्नो राजनीतिक प्रतिद्वन्दी नभएको दाबी गर्दै उनले चितवन ३ को चुनावमा खासै प्रेसर महसुस नगरेको बताए ।

‘विक्रम पाण्डेले पैसाको बलमा दुई–चार भोट प्राप्त गर्लान त्यो कुरा त चाहिँ बुझ्न सकिन्छ’ प्रचण्डले भने, ‘तर, हिजो एउटा परिस्थितिमा उनले यहाँ निर्वाचन जितेका हुन्, अहिले हामी बाम गठबन्धन बनाएर र म पहिलो चोटी जसरी आएको छु, त्यस हिसाबले हेर्दा चुनाव जित्न मलाई खासै समस्या छैन ।’