संविधानविनै संविधानसभा भंग, अर्को चुनाव मंसिर ७ मा, प्रंधानमन्त्रीद्वारा सम्बोधन

संविधानविनै संविधानसभा भंग भएको छ । तर सरकारले आगामी अर्को निर्वाचन मंसिर ७ गतेका लागि तोकेको छ । जुन चुनावको प्रस्ताव कांग्रेस एमालेले भने स्वीकार गरेका छैनन् ।


संविधानसभा भंग हुनु लगभग केही मिनेट अगाडी मात्रै प्रधानमन्त्रीले बालुवाटारमा पत्रकार सम्मेलन गरेर घुमाउरो शैलिमा  कांग्रेस एमालेका कारण संविधान बन्न नसकेको बताएका छन् ।

उनले संघीयता कांग्रेस एमालेको शब्दकोषमै नभएको उल्लेख गरेका थिए ।

राज्यपुर्संरचना आयोगको १० र संविधानसभाको समितिले दिएको १४ वटा प्रदेशको प्रस्तावमा छलफल गर्न भन्दा उनीहरु नमानेको प्रधानमन्त्रीले उल्लेख गरेका थिए ।

उनले सम्बोधनका क्रममा कसैलाई दोष दिन नचाहने भन्दै  राजनीतिक सहमति बिना फेरि पनि अगाडि बढ्ने अवस्था नरहेको बताए ।

उनले विविधताले भरिएको हाम्रो देशको भविष्य उज्जवल भएको भन्दै  यसपटक संविधानसभाबाट संविधान नबनेपछि मसिंर ७ गतेको निर्वाचनमा सबैले आ(आफ्नो एजेन्डा लिएर अगाडि जानुपर्ने बताए ।

उनले भने जनताका मुद्दाहरु केन्द्रमा राखेर आगामी निर्वाचन हुनेछ । निराश नबनिकन नयाँ नेपाल निर्माणका लागि हातेमालो गर्दै अगाडि बढ्नुपर्छ ।

उनले राष्ट्रपतितर्फ केन्द्रित हुँदै आगामी निर्वाचन मन्त्रि परिषदले नै पूरा गर्ने पनि बताएका छन् ।