कुम्ले खोलामा बस खस्दा २५ यात्रु घाइते
साउन २२ । तनहुँको खैरेनीटार–७ स्थित कुम्ले खोलाको पुलबाट सोमबार साँझ ६:३० बजे बस खस्दा २६ जना घाइते भएका छन् ।
काठमाडौँबाट पोखरातर्फ जाँदै गरेको ना३ख ९४४१ नम्बरको बस पुलबाट खोलामा खस्दा ती यात्रु घाइते भएका हुन् । तीब्र गतिमा गुडेको उक्त बस पुलबाट ३० मिटर तल खोलामा खसेर दुर्घटना भएको प्रहरीले जनाएको छ ।
दुर्घटनामा गम्भीर घाइते पाँच जनालाई उपचारका लागि पोखरा लगिएकोे इलाका प्रहरी कार्यालय बेलचौताराले जनाएको छ । बस चालकको खोजी भइरहेको प्रहरीले जनाएको छ ।
प्रकाशित मिति:
August 06, 2013
