दोस्रो कुरा अदालतले भ्रष्टचारीको सर्टिफिकेट दिएपछि थपक्क जेलमा गएर बस्नको सट्टा कहिले मोटरसाइकल र्याली, कहिले बन्द हडताल त आज अदालततिर तमासा देखाउन पनि जानै पर्दैन थियो ।
तर न त इज्जत न त नैकिता नै भएपछि जे गर्दा पनि त हुँदोरहेछ नि ?
त्यस्तै भएको छ पूर्वमन्त्री तथा कांग्रेसी नेता खुम बहादुर खड्का भ्रष्टचार प्रकरण प्रक्रिया पनि । उनलाई सर्वोच्च अदालतले भ्रष्टचारी ठहर गरेको हो । तर उनी अझै आफू भ्रष्टचारी होइन भन्न कहिले कार्यकर्तालाई उक्साएर बन्द हडताल गरिरहेका छन् त कहिले के चर्चिकला । आज भने उनी सर्वोच्चको फैसला विरुद्ध अदालत पुगेर पुनरावेदन गर्ने रे ।
एक साता अघि सर्वोच्च अदालतले खड्कालाई भ्रष्टचारी ठहर गर्दै डेढ वर्षको कैद र जरिवाना सुनाएको थियो । त्यसैको विरुद्धमा उनी आज पुनरावेदन जान लागेका हुन् ।
उनी धरौटी राखेर जेल नगई फैसला पुनरावेदन गर्न पाउनुपर्ने निवेदनका साथ त्यहाँ जान लागेका हुन् । भ्रष्टचारी पूर्वमन्त्री खड्का पुनरावेदन अदालत जानु अघि काठमाडौँ जिल्ला अदालतमा हाजिर हुने बताइएको छ । खड्काले जिल्ला अदालत काठमाडौंमा जरिवानाबापतको रकम बुझाउने समेत बताइएको छ ।
