नायक आर्यनको, को हुन् त सलमान खान ?

नेपाली सिनेमा जगतमा चकलेटी नायकको ट्याग भिरेका आर्यन सिग्देलले आफ्नो अभिनयले धेरै फ्यान बनाउन सफल भइसकेका छन् । उनले अभिनय गरेको प्राय जसो सिनेमाहरु राम्रैसँग चलेको हुन्छ । तर यि नायक भने बलिउडका चर्चित नायक सलमान  खानको ग्रेट फ्यान हुन् ।

बलिउडमा लगातार सफलता हात पारिरहेका सलमान खानको अहिले रिलिज भएरहेको 'एक था टाइगर' फिल्म १०० करोडको क्लबमा प्रबेश गर्ने चौँथो फिल्म हो । रिलिजको पाँचौ दिनमा सबैभन्दा धेरै कमाउने चलचित्रको रेकर्ड 'एक था टाइगर'ले राखेको छ ।

यि नायकको अभिनय र जिउडालले नायक आर्यन आकर्षित भइरहेका छन् । सानै देखि सलमानको फ्यान भएको बताउने आर्यनले 'एक था टाइगर' तीन पटक सम्म हेरिसके । तर पनि उनको धित भने मरेको छैन रे ।

सलमानको स्टार क्रेजले आफ्नो मष्तिस्कमा डेरा जमाएको बताउने आर्यनलाई सिनेमा क्षेत्रमा आउनको लागि आफैँबाट प्रेरणा मिलेपनि सलमानको अभिनयले झनै बढि रुचि र प्रेरणा मिलेको बताउँछन् ।

आर्यन भन्छन् - "सायद सलमान नभइदिएको भए यतिखेर म सिनेमा क्षेत्रमा हुँदैनथेँ ।" फेरि समय मिले एक था टाइगर हेर्ने विचारमा रहेका आर्यनलाई उक्त सिनेमाको सफ्ट लभ स्टोरीले मन छोएको बताएका छन् । धेरै जसो एक्सनमा देखिने सलमानलाई सफ्ट लभस्टोरीमा देख्दा राम्रो लागेको बताउँछन् आर्यन ।