भदौ २५ – आईसीसी वर्ल्र्ड क्रिकेट डिभिजन फोरको फाइनलमा अमेरिकालाई सस्तैमा प्याक गर्दै नेपालले डिभिजन उपाधी पोल्टामा पारेको छ ।
टस जितेर ब्याटिङ राजेको अमेरिकाले नेपाललाई दिएको १ सय ४६ रनको लक्ष्य पछ्याएको नेपालले ८ विकेटमा अमेरिकालाई पराजित गरेको हो ।
अमेरिकालाई यही डिभिजन खेलमा दोस्रो पटक हार चखाउन नेपालले अमेरिकाले दिएको १ सय ४६ रनको चुनौतीलाई २ विकेटको क्षतिमा २८ ओभरमै चुमेको थियो । स्कोर बोर्डमा ९ रन हुँदा पहिलो विकेटका रुपमा अनिल मण्डललाई व्यत्तिगत ३ रनमा गुमाएको नेपालको पारी मल्ल र सुवाष खकुरेलले सम्हालेका थिए । सुवाससँग ९३ रनको साझेदारी गरेका मल्ल व्यक्तगत ६६ रनमा आउट भए । खेलमा खकुरेल ४० र कप्तान पारस खड्का २५ रनमा अविजित रहे ।
यसअघि अमेरिकालाई सस्तोमा समेट्न वसन्त रेग्मीले ५ विकेट झारेका थिए भने शक्ति गौचनले २ र कप्तान पारस खड्का, विनोद दास र संजम रेग्मीले १/१ का दरले विकेट झारेका थिए ।
यी दुवै टोलि समूह ३ का लागि छानिएका टोलि हुन् । समूह चरणको सबै खेल जितेर फाइनल पुगेको नेपाल डिभिजन थ्रीमा बढुवा भएको छ भने ६ अंक रहेको अमेरिका रन रेडमा डेनमार्क र सिंगापुरलाई पछि पार्दै फाइनलमा पुगेको हो ।
अझै रोचक कुरो त के भने यसअघि नेपालले सबैभन्दा ठूला उपाधिका रुपमा दुई वर्ष अघि काठमाडौंमा डिभिजन ५ को उपाधि हात पार्दा पनि अमेरिकालाई नै ५ विकेटले हराएको थियो ।
यो पनि पढ्नुहोस
क्रिकेट अन्तर्राष्ट्रिय जगतमै नेपालको ऐतिहासिक जित