शक्ति गौचनद्वारा क्रिकेटमा विश्व किर्तिमान
भदौ २१ – आईसीसी वर्ल्ड क्रिकेट लिग डिभिजन ४ अन्तर्गत मलेसिया विरुद्धको खेलमा नेपालका शक्ति गौचनले विश्व किर्तिमानी बलिङ्ग गर्न सफल भएका छन् ।
शक्तिले एक ईनिङ्गमा वेष्ट ईकोनोमी रेट्स अन्तर्गत वेष्ट इन्डिजका फिल सिमोन्सको दश ओभर बलिङ्गमा ८ मेडन राख्दै ३ रन खर्चेर चार विकेट लिइ शून्य दशमलब ३० रेटको रेकर्डलाई तोड्दै गौचनले नयाँ किर्तिमान कायम गरेका हुन् ।
गौचनले दश ओभरमा ८ मेडन राख्दै २ रन खर्चेर ३ विकेट लिए । उनले सून्य दशमलब २० रेटको ईकोनोमी कायम गरेका छन् ।
यसैबीच, मेलेसिया र नेपालको जारी खेल अन्तर्गत मलेसियाले २५ ओभरमा ६० रन मात्र जोडेको छ । घरेलु टिम मलेसियाले २१ ओभरको समाप्तीसगै ६० रनमा ८ विकेट गुमाएको छ ।
प्रकाशित मिति:
September 06, 2012
