सामान्य व्यक्तिहरुका लागि त ठिकै पनि हो तर बलिउडकै चर्चित हिरोइनले सलमान खानलाई भेट्न ३ घण्टा कुर्नु पर्यो भन्दा अचम्म नलाग्ने त कुरै रहेन !

तर यथार्थ यही हो की अभिनेत्री रानी मुखर्जीले सलमानसँग भेट्न ३ घण्टा कुर्नु पर्यो ।

आफ्नो आउने फिल्म आईयाको प्रचार प्रसारमा निकै व्यस्त रहेकी रानीले सलमानलाई भेट्न यसरी कुर्नु परेको हो ।
सलमानको चर्चित रियालिटि शो बिग बोसमा आईया फिल्मको प्रचारको लागि रानी गएकी थिइन् ।

बिग बोसको छैटौँ संस्करणको एक एपिसोडमा रानीले आईयाको प्रचार गर्ने मौका पाएकी थिइन् । राती ८ बजे उक्त एपिसोडको छायांकन हुने भनेर रानी र सलमानलाई बोलाइएको थियो । तोकिएको समयमा रानीको उपस्थिती भए पनि सलमान भने ११ बजे मात्र आए ।

निकै बेर कुर्नुपरेपछि रानीको रिसको पारो निकै माथि पुगेको थियो । १० बजेपछि रिसाएर निस्कने प्रयास गरेकी रानीलाई रोक्न निकै गाह्रो परेको थियो । जे होस् ११ बजेदेखि मात्र छायांकन सुरु भएको उक्त एपिसोडमा रानीले आईयाको भने मज्जाले नै प्रचार गर्न भ्याएकी थिइन् ।

यसमा तपाईको प्रतिक्रिया