असोज २४ – युएईमा जारी एसीसी ट्रफी एलिट कप क्रिकेट अन्तर्गत आजको सेमिफाइनल खेलमा नेपालले २१ रनले मलेसियालाई पराजित गर्दै फाइनल प्रवेश गरेको छ ।
अब नेपालले उपाधीका लागि पर्सी युएईसँग भिडन्त गर्नुपर्ने भएको छ ।
युएई अफगानिस्तानलाई ८ विकेटले पराजित गर्दै फाइनल प्रवेश गरेको टोलि हो भने नेपालले आज २१ रनले मलेसियालाई पाखा लगाउँदै फाइनल यात्रा तय गरेको हो ।
तर समूह चरणमा भएको भेटमा भने नेपालले यूएईमाथि ४ विकेटले पराजित गरेको थियो ।
आजको खेलमा भने टस हारेर पहिले ब्याटिङ थालेको नेपालले मलेसिया सामु २ सय ४२ रनको चुनौती पेस गरेको थियो ।
निर्धारित ५० ओभरमा ५ ओभर घटाएर ४५ ओभरको खेल अन्तर्गत नेपालले ९ विकेटको क्षतिमा १ सय ४१ रन जोड्न सफल भएको थियो । उक्त रन जोड्न कप्तान पारस खड्काले ८९ रनको योगदान दिएका थिए ।
यसैगरी, सरद भेषवाकरले ३७ तथा उपकप्तान ज्ञानेन्द्र म्लल र पुथृ बास्कोटाले भने समान ३४–३४ रनको योगदा दिए भने प्रदिप ऐरीले ११, अनिल मण्डलले ८, शक्ति गौचनले ५, अमृत भट्टराईले ४, सुवास खकुरेलले ३ र बसन्त रेग्मीले १ रन जोडेका थिए ।
म्याचमा जवाफी ब्याटिङ थालेको मलेसियाले भने ४५ ओभरमा ९ विकेट गुमाउँदै २ सय २० रनमा समेटिन पुगेको थियो ।
नेपालले बलिङ अन्तर्गत पृथु बास्कोटाले ३ विकेट, शक्ति गौचनले २ र भुवन कार्की, अमृत भट्टराई, पारस खड्काका साथै बसन्त रेग्मीले पनि समान १–१ विकेट पतन गराई दिएका थिए ।
यसअघि हिजोको खेलमा भने नेपालले हङकङलाई १ सय २५ रनले हराउँदै सेमिफाइनल प्रवेश गरेको थियो ।
