किन्ने हो त नेपाली १८०८ पर्ने विश्वकै सस्तो ट्याब्लेट
नेपाली रुपैयाँ १८ सय ८ पर्ने विश्वकै सबैभन्दा सस्तो ट्याब्लेट आकाशको नयाँ परिस्कृत संस्करण सार्वजनिक भएको छ ।
उक्त भारु ११३० मै पाइने ट्याब्लेटको आइताबर भारतीय राष्ट्रपति प्रणव मुखर्जीले एक कार्यक्रमका बीच उद्घाटन गरेका हुन् ।
विद्यार्थी तथा आर्थिक स्थिति मध्यम भएका वर्गका लागि लक्षित गरेर बनाइएको आकाश-२ नाम दिइएको उक्त ट्याब्लेट सुरुमा इन्जिनियरिङ कलेजहरु र विश्वविद्यालयहरुमा उपलब्ध गराइने बताइएको छ ।
उक्त ट्याब्लेटमा एक गिगाहर्जको प्रोसेसर रहेको छ भने ५१२ एमबीको र्याम र सात इञ्चको टच स्क्रिन रहेको छ।
सो ट्याब्लेटमा तीन घण्टा वाइफाइ चलाउन मिल्ने ब्याट्री राखिएको बताइएको छ ।
ट्याब्लेटमा ८००x४८० पिक्सेलको स्क्रिन रेजोल्युसन छ। जसमा एन्ड्रोइड ४.० अर्थात् आइसक्रिम स्यान्डविच अपरेटिङ सिस्टम रहेको छ । चार जीबीको इन्टरनल फ्लास मेमोरी भएको यो ट्याब्लेटमा माइक्रो एसडी कार्ड राखेर ३२ जीबीसम्म बढाउन मिल्ने कम्पनीले जनाएको छ ।
प्रकाशित मिति:
November 12, 2012
