पेरुमा हेलिकोप्टर दुर्घटना, पाँच अमेरिकीसहित सातको मृत्यु
पेरुको राजधानी लिमाबाट उत्तरी क्षेत्रको एक गाउँमा भएको हेलिकोप्टर दुर्घटनामा परी कम्तीमा पनि सात जनाको मृत्यु भएको छ ।
सो दुर्घटनामा परी मृत्यु हुनेमा पाँचजना अमेरिकी नागरिक परेकोे बताइएको छ । सो हेलिकोप्टर तेल तथा खानीसम्बन्धी कम्पनीले प्रयोग गरिरहेको पाइएको छ । सोही क्रममा उक्त कम्पनीका कर्मचारीहरु सो गाउँमा गएको हुनसक्ने बताइएको छ ।
सोमबार उत्तरी पेरुको सान जुवान गाउँमा सो दुर्घटना भएको पाइएको हो । दुर्घटना सो क्षेत्रमा रहेको घना जङ्गलको नजिकै भएको थियो । उक्त दुर्घटनामा परी सातजनाको ज्यान गएको र त्यसमा पाँच अमेरिकी र दुई जना पेरुका नागरिक रहेको स्थानीय रेडियोले प्रहरीलाई उद्धृत गर्दै समाचार प्रशारण गरेको छ ।
प्रत्यक्षदर्शी गाउँलेले सो हेलिकोप्टर दुर्घटना हुँदा गाउँमा निकै ठूलो आवाज आएको बताएको अन्तर्राष्ट्रिय सञ्चारमाध्यमहरुले उल्लेख गरेका छन् ।
