छोराद्वारा बाबुको आगो लगाएर हत्या
फागुन २० – रोल्पामा बाबुलाई कोठामा थुनेर घरमा आगो लगाई छोराले हत्या गरेका छन् । घरायसी विवादपछि छोराले बाबुको हत्या गरेको बताइएको छ ।
दुबीडाँडा ३, बाइजाका २१ बर्षीय हीरामणि घर्ती ९सागर० ले बाबु ४५ वर्षका दलबहादुर घर्तीलाई घरमा थुनेर आगो लगाई हत्या गरेका हुन् ।
बिहीबार राति घरमा सामान्य भनाभनपछि उनले एक्कासि आक्रोशित भएर त्यस्तो अपराध गरेको जिल्ला प्रहरीका प्रहरी निरीक्षक राजकुमार श्रेष्ठले बताए । बाबुको हत्या पछि छोरा हीरामणि फरार छन् । घरमा आगो लागेपछि परिवारका अरू सदस्य भागेर जोगिएका थिए ।
तर वृद्ध बाबु दलबहादुर आगोको मुस्लोबाट निस्कन नसक्दा उनको मृत्यु भएको प्रहरीले जनाएको छ ।
प्रकाशित मिति:
March 03, 2013
