रुखबाट लडेर रामगुलामको मृत्यु
चैत १८ - सप्तरीको अर्नाहा गाविस–८ का रामगुलाम सरदार मृत फेला परेका छन् ।
अर्नाहा–८ स्थित रुख तल बेहोस अवस्थामा फेला परेका सरदारको रुखबाट लडेर मृत्यु भएको हुन सक्ने प्रहरीको अनुमान छ । रुखको एउटा हाँगा पनि त्यहाँ झरेको फेला परेका हुँदा रुखबाट लडेर मृत्यु भएको आशङ्का गरिएको छ ।
सरदारको कान र नाकबाट रगत बगेको प्रहरीले बताएको छ । परिक्षणका लागि शवलाई गजेन्द्रनारायण सिंह सगरमाथा अञ्चल अस्पताल राजविराज ल्याइएको जिल्ला प्रहरी कार्यालय सप्तरीले जनाएको छ ।
प्रकाशित मिति:
March 31, 2013
