सांगीतिक टुरका सामान बोकेका विश्वप्रसिद्ध पपस्टार रिहानाको १० ओटा गाडी मध्ये एउटामा गाँजा फेला परेको छ ।

उनका सांगीतिक टुरका सामान बोकेका १० वटा सवारीसाधन क्यानडा र अमेरिकाको सीमाबीचमा प्रहरीले रोकी कारबाही गर्दा गाजा फेला परेको हो ।

उनका १० वटा गाडीमध्ये एउटा बसमा प्रहरीका तालिमप्राप्त कुकुरमार्फत लागूपदार्थ रहेको सुईँको पाएपछि छानबिन गरिँदा त्यसमा सवार भएको नाम नखुलाईएका एक यात्रुसँग गाँजा भेटिएको एजेन्सीले जनाएको छ ।

आवश्यक जरिवाना तिराईएपछि उक्त बसलाई अमेरिका प्रवेश गर्ने अनुमति दिइएको अन्तराष्ट्रिय समाचार माध्यमले जनाएको छ ।

रिहानाको डाइमोन्डस् वल्र्ड टुरको दौडान ती बस मिचिगनको डिट्रोइट जाँदै थिए । तर भाग्यबश प्रहरीको उक्त कारबाहीको क्रममा लागूपदार्थ लिने गरेको स्वीकार्ने गरेकी रिहाना बसमा सवार नरहेको बताइएको छ ।

यसमा तपाईको प्रतिक्रिया