जितेर पूर्वराजा सत्ता चलाउँछन् भने आपत्ति छैन : एमाओवादी
काठमाडौँ ९ । एकीकृत नेकपा माओवादीका प्रवक्ता अग्नि सापकोटाले पूर्व राजा ज्ञानेन्द्र शाह निर्वाचनमा गएर जितेको खण्डमा शासन सत्ता सञ्चालन गर्न सक्ने स्थानमा पुग्न सक्ने बताएका छन् ।
उनले पूर्व राजा शाह जननिर्वाचित भइ शासन सत्ता चलाउन सक्ने अवस्थामा पुगे आफुहरुलाई आपत्ति नहुने पनि प्रष्ट पारे । पार्टी मुल्यालय पेरिसडाँडामा शनिबार आयोजित साप्ताहिक पत्रकार भेटघाटमा पार्टी प्रवक्ता अग्नि सापकोटाले पूर्व राजा शाह रुपान्तरण भइ जनतामा गएर जनमत लिन भने अनिवार्य भएको बताए ।
निर्वाचनमा उहाँहरु सहभागी हुनुहुन्छ भने अनुपातको बारेमा पनि छलफल गर्नपर्छ । आवश्यक पर्छ भने समानुपातिक सिट संख्या बढाउन पनि तयार हुनुपर्छ । उहाँहरु समितिमा सामेल भईसकेपछि मन्त्री परिषद विस्तार पनि गर्नपर्छ ।” उनको भनाई थियो ।
प्रवक्ता सापकोटाले संविधानसभाको चुनाव दशौं हजारको बलिदानबाट प्राप्त भएको बताउदै चुनाव विरोधीहरुको भविष्य नरहेको पनि बताएका छन् ।
प्रकाशित मिति:
June 23, 2013