एनआरएनए जर्मनीसँग सम्बन्धित घटनाको यथार्थता

भदौ । गैह्र आवासिय नेपाली संघ (एनआरएनए) जर्मनीको नयाँ कार्य समितीको उम्मेदवारहरुबिच सहमति गराउनको लागि जर्मनीकै क्याजर्सलौटर्नमा एक कार्यक्रमको आयोजना गरिएको छ ।

एनआरएनए जर्मनीका वर्तमान अद्यक्ष जिवा लामिछने, संरक्षक राम प्रताप थापा, युरोप कोर्डिनेटर कुमार पन्त, जर्मनीका पुर्व अद्यक्ष दिल गुरुङ, आइसीसी सदस्य सन्तोष भाट्टराइ जर्मनीकै अध्यक्ष पुष्प थापाको उपस्थिती रहेको उक्त कार्यक्रममा केन्द्रिय अध्यक्षका उम्मेदवार वर्तमान शेष घलेलाई पनि अतिथिको रुपमा आमन्त्रण गरिएको थियो ।

कार्यक्रममा सहमतीको धेरै प्रयास गर्दा पनि सफलता प्राप्त हुन सकेन । जन सम्पर्क समितीसँग सम्बन्धित धेरैले अध्यक्ष पदमा उम्मेदवारी दिएको र उनीहरु मध्ये अधिकांशले एकले अर्काको अस्तित्व स्विकार गर्न नसक्नु र जन सम्पर्क समितीकै व्यक्तिहरुले अध्यक्ष, आइसीसी, उपाध्यक्ष लगायतका सबै महत्वपूर्ण पदहरुमा बस्न खोजेकोले सहमति हुन नसकेको एन डिएफ जर्मनीका उपाध्यक्ष राण बहादुर विकले बताएका छन् ।

सो अवसरमा सहमति नभएपछि कार्यक्रमका संयोजक राम प्रताप थापाले कार्यक्रम समाप्त भएको घोषणा गरिरहँदा भने कार्यक्रम हल बाहिर अपशब्दसहित नाराबाजी समेत भएको थियो ।

उक्त घटनामा संलग्नहरुलाई शान्त भएर अपसमा मेल मिलाप गर्दै आफ्नो कमजोरीलाई स्विकार्न आयोजकले आग्रह गरेको छ ।