मङ्सिर ४ मा होमिन देउवाको निर्देशन

भदौ २१ । नेपाली काँग्रेसका वरिष्ठ नेता शेरबहादुर देउवाले पार्टीभित्रको मतमतान्तरलाई थाती राखी आगामी मङ्सिर ४ गतेको संविधानसभा निर्वाचनमा होमिन आम कार्यकर्तालाई निर्देशन दिएका छन् ।

 

आज विरगन्जमा आयोजित कार्यकर्तासँगको भेटघाट कार्यक्रममा उनले ठूलो पार्टीभित्र केही साना मसिना विवाद हुने भए पनि त्यसलाई ठूलो विषय नबनाउन र निर्वाचनमा होमिन कार्यकर्तालाई अह्वान गरे ।

नेता देउवाले अब हुने संविधानसभामा पार्टीलाई बहुमत दिलाउन सम्पूर्ण कार्यकर्ता एकीकृत रूपमा अगाडि बढनुपर्नेमा जोड दिएका छन् । रासस