बाबुरामको क्षेत्रमा एमाओवादीद्धारा बुथ कब्जा
मंसिर ४ । एमाओवादी नेता डा. बाबुराम भट्टराई उम्मेदवार रहेको गोरखा जिल्लामा बुथ कब्जा भएका छन् ।नामजुङ जनशक्ति मावि, हर्मीको महेन्द्रलिला उच्च मावि, ग्याल्चोकको पातलदेवी निमावि, गाइखुरको सरस्वती प्रावि, भैरुङको बाँसकोटको हिमालय माविमा एमाओवादीले अरु दलका मतदातालाई भोट हाल्न नदिएको बताएका छन् ।
एमाओवादीका कार्यकर्ताले मतदान केन्दमै मतदाताको परिचय पत्र खोसेर आफैले मतदान गरेको समेत कांग्रेसले जनाएको छ ।
क्षेत्र नम्बर १ को घैरुङ गाविसस्थित वास्कोट र घयाल्चोक गाविसमा रहेका मतदान केन्द्रमा मतदानका लागि बसेका मतदाताको परिचयपत्र खोसेर आज एमाओवादीका कार्यकर्ताले मतदान गरेको कांग्रेसका उम्मेदवार किरणबाबु श्रेष्ठले जानकारी दिएका छन् ।
एमाओवादी कार्यकर्ताले मतदाता परिचय पत्र खोस्न थाले पछि भएको झडपमा कांग्रेसका दुई जना घाइते भएका छन् । कांग्रेसले सुरक्षाका लागि खटिएका सुरक्षाकर्मीले पनि एमाओवादीलाई साथ दिएको जनाएको छ ।
प्रकाशित मिति:
November 19, 2013
