मलेसियामा धमाधम निसामामा पर्दै विदेशी कामदार

माघ ४ । मलेसियामा अवैध रुपमा बसोबास गर्दै आएका विदेशी कामदार निशानामा पर्ने भएका छन् ।  मलेसिया सरकारले सोमबार रातिदेखि गैरकानुनी हैसियतमा रहेका विदेशी कामदारविरुद्ध देशव्यापी धरपकड थाल्ने चेतावनी दिएको छ ।

 मलेसिया सरकारले सम्वन्धित देशका राजदूतावासलाई पत्र लेखेर सोमवार राति १२ वजेदेखि देशब्यापिरुपमा धरपकड सुरु हुने जानकारी दिईसकेको छ ।

पटक पटक बैध हुन अवसर दिएपनि अझै १० लाख विदेशी कामदार गैरकानुनी हैसियतमा रहेको हुनसक्ने अनुमान गर्दै धरपकडको शुरुवात गर्न लागेको बताइएको छ । यसबाट हजारौं नेपाली समेत प्रभावित हुने जनाइएको छ । नेपाली कामदारहरु समस्यामा नपरुन भनेर आइतबार पनि नेपाली दूतावास खुल्ला गर्ने तयारी गरेको छ ।