राष्ट्रपतिको आदेश– 'बहुमतीय सरकार गठन गर'
माघ २० । सहमतीय सरकार गठन प्रक्रिया असफल भएपछि राष्ट्रपति डा. रामवरण यादवले बहुमतीय प्रक्रियाबाट सरकार गठनका लागि व्यवस्थापिका संसदलाई आह्वान गरेका छन् ।अन्तरिम संविधान २०६३ को धारा ३८९१० अनुसार राष्ट्रपति यादवले सात दिनको समय दिएर यही माघ १२ गते सहमतीय सरकार गठनका लागि आह्वान गरेका थिए । सहमतीय सरकार गठनका लागि ठूलो दलका हैसियतले नेपाली कांग्रेस पहल गरे पनि संसदमा रहका केही दलले प्रतिपक्षमा बस्ने जनाएपछि सहमतीय सरकार गठन प्रक्रिया असफल बनेको हो ।
तेस्रो ठूलो दल एकीकृत नेकपा माओवादी र चौथो दल राप्रपा नेपालले प्रतिपक्षमा बस्ने निर्णय लिएका थिए । दोस्रो ठूलो दल एमाले भने सरकारमा जान तयार रहेको छ ।
प्रकाशित मिति:
February 03, 2014
