पार्टीभित्रको विवादले संविधानमा असर पार्न हुन्न : नेपाल
फागुन १७ । नेकपा (एमाले) का वरिष्ठ नेता माधवकुमार नेपालले पार्टीभित्रका आन्तरिक विवादले नयाँ संविधान निर्माणमा असर पार्न नहुने बताए ।आज पेप्सीकोलास्थित नेक्सस् इन्टरनेसनल एकेडेमीको आठौँ वार्षिकोत्सव कार्यक्रममा नेता नेपालले भने, 'अहिले हरेक पार्टीभित्र विवाद छ तर सबै मिलेर एकताबद्ध भई मुलुकलाई अघि बढाउनु जरुरी छ।'
नेता नेपालले जनादेशअनुसार नेपाली काँग्रेस र एमालेबीच सहकार्य हुनुपर्ने बताए । नेपाली संस्कार र संस्कृतिप्रति गौरवबोध गर्न आग्रह गर्दै उनले जातजातिका आधारमा विभाजन गरेर मुलुकलाई खाडलमा धकेल्न नहुने बताए। कार्यक्रममा विभिन्न प्रतियोगितामा विजयी बनेका विद्यार्थीलाई पुरस्कृत गरिएको थियो। रासस
प्रकाशित मिति:
March 01, 2014
