चक्कु हानेर १० लाख लुटियो

जेठ ३ । जनकपुरमा चक्कु प्रहार गरी मनिचेन्जरबाट करिब १० लाख लुटिएको छ । 

जनकपुरको विद्यापती चोकमा शनिबार दिउँसो तीन जनाको समूहले रेजा मनीचेञ्जरका सञ्चालक मोहम्मद हमिद रेजलाई चक्कु हानेर लुटेका हुन् । 

लुटेराहरुको पहिचान हुन सकेको छैन भने घाइते हमिदको जानकी हेल्थ केयर सेन्टरमा उपचार भइरहेको प्रहरीले जनाएको छ ।

लुटपाटमा संलग्नहरुको खोजी भइरहेको प्रहरीले जनाएपनि अहिलेसम्म कोही पनि पक्राउ पर्न सकेका छैनन् ।