जन्डिसबाट मृत्यु हुनेको संख्या १० पुग्यो, हजार बढी अस्पताल भर्ना
जन्डिस प्रकोपबाट प्रभावित १ हजार बढी बिरामी अस्पताल भर्ना भएका छन् । कतिपयलाई भने उपचारका लागि भारततर्फ लगिएको छ । जन्डिसको महामारी फैलिएपछि विद्यालयहरु समेत बन्द गराइएको छ ।
दूषित खानेपानीका कारण विराटनगरमा जन्डिस प्रकोप फैलिएको हो ।
यसपालि प्रकोपका रूपमा जन्डिस देखिए पनि विराटनगरसहित मोरङमा तीन वर्षयता जन्डिसको समस्या देखिएको छ । जिल्ला जनस्वास्थ्य कार्यालयका अनुसार आर्थिक वर्ष २०६७/६८ मा १ हजार ४ जना, ०६८/६९ मा १ हजार ७ सय ६६ र ०६९/७० मा २
हजार ४ सय ४९ जन्डिसपीडित थिए । चालू आर्थिक वर्षको फागुनसम्म १ हजार ६ सय १८ जना पीडित भएका छन् ।
यसैबीच, जन्डिसले महामारीको रुप लिएपछि त्यहाँको वस्तुस्थित बुझ्न स्वास्थ्य मन्त्री खगराज अधिकारीसहितको टोली विराटनगर जाने भएको छ ।
जन्डिसले दर्जनको संख्यामा मृत्यु हुन लाग्दा तथा हजारको संख्यामा बिरामी हुँदा समेत विशेषज्ञसहितको टोली जन्डिस प्रभावित क्षेत्रमा नगएको भन्दै स्थानीय भने आक्रोशित बन्दै गएका छन् ।
प्रकाशित मिति:
May 12, 2014
