अभ्यास खेलमा नेपाल श्रीलङ्काली एक क्लबसँग ७४ रनले पराजित
काठमाडौं, असोज २९ –आइसीसी डिभिजन थ्री क्रिकेट प्रतियोगिताको पुर्वसंन्ध्यामा तयारीका लागि अभ्यास खेल खेल्न श्रीलङ्का पुगेको नेपाली क्रिकेट टोली अभ्यास खेलमा श्रीलंकाको पोर्ट अथोरिटि क्लबसँग ७४ रनले पराजित भएको छ ।
१ सय ५४ रनको लक्ष्य पछ्याएको नेपाल २५ ओभरमा ७९ रनमा अलआउट हुँदै ७४ रनले पराजित भएको हो । उपकप्तान ज्ञानेन्द्र मल्लले २३ रनको बनाउनुबाहेक नेपालका अरु खेलाडीले राम्रो प्रदर्शन गर्न सकेनन् ।
टस हारेर पहिले ब्याटिङ गरेको श्रीलंका पोर्ट अथोरिटिले ४३ ओभरमा १ सय ५३ रन बनाएको थियो । बसन्त रेग्मीले ४ विकेट लिए । नेपालले दोश्रो अभ्यास खेलमा भोलि कम्बाइन इलेभेन र कात्तिक २ गते कोल्ट क्रिकेट क्लबसँग खेल्नेछ । ९ दिनपछि मलेसियामा सुरु हुने डिभिजन थ्री मा नेपालले मलेसिया, अमेरिका, बर्मुडा, युगाण्डा र सिंगापुरसँग खेल्दैछ ।
प्रकाशित मिति:
October 15, 2014
