ईलाका स्तरिय नेकपा–माओवादीद्धारा राजनैतिक प्रशिक्षणहरु सम्पन्न
केवी मल्ल
जाजरकोट १६ कार्तिक
जाजरकोट नेकपा–माओवादी पार्टीद्धारा हालै जिल्लाका विभिन्न स्थानमा ईलाका स्तरिय राजनैतिक प्रशिक्षणहरु सम्पन्न भएका छन । देशको राजनैतिक संकट झन–झन जटिल बन्दै गएपछि नेकपा–माओवादी जाजरकोटले जिल्लाका विभिन्न स्थानमा ईलाका स्तरिय राजनैतिक प्रशिक्षणहरु सम्पन्न गरेको हो ।
जाजरकोट १६ कार्तिक
जाजरकोट नेकपा–माओवादी पार्टीद्धारा हालै जिल्लाका विभिन्न स्थानमा ईलाका स्तरिय राजनैतिक प्रशिक्षणहरु सम्पन्न भएका छन । देशको राजनैतिक संकट झन–झन जटिल बन्दै गएपछि नेकपा–माओवादी जाजरकोटले जिल्लाका विभिन्न स्थानमा ईलाका स्तरिय राजनैतिक प्रशिक्षणहरु सम्पन्न गरेको हो ।
जिल्लाको क्षेत्र नं. १ को दल्ली र काउलीमा क्रमश असोज २६ र २८ गते पार्टी डिसिएम र एसिएमहरुको सहभागितामा राजनैतिक प्रशिक्षण सम्पन्न गरिएको थियो । उक्त प्रशिक्षणका सहभागिहरुलाई पार्टीका बैकल्पिक केन्द्रिय सदस्य गगन बहादुर खड्का ( जीवन ) ले प्रशिक्षण दिएका थिए ।
प्रशिक्षणका क्रममा बोल्दै यो देशका राष्ट्रघाती दलालहरु र सत्तामा बसेर जनताको विरुद्ध शासन गर्न खोज्ने राजनैतिक दलका नेताहरुलाई तह लगाउन पार्टीलाई अझै शुसंगठित गर्दै लाखौ जनतालाई पार्टीको वरिपरि गोलवन्द गर्नु पर्ने बैकल्पिक केन्द्रिय सदस्य गगनबहादुर खड्काले वताएका थिए । साथै उनले देशका संसदवादी राजनैतिक पार्टीहरुले आगामी माघमा संविधान जारी गर्न नसके देशको संविधान जारी गर्न आफ्नो पाटी तयार रहेको उल्लेख गरे ।
त्यस्तै गरि जिल्लाको क्षेत्र नं. २ को वाटुल्या र मनघाटमा क्रमश असोज २६ र २८ गते पार्टी डिसिएम र एसिएमहरुको सहभागितामा राजनैतिक प्रशिक्षण सम्पन्न गरिएको थियो । उक्त प्रशिक्षणका सहभागीहरुलाई पार्टी केन्द्रिय सदस्य तथा भेरीकर्णाली राज्य समन्वय समितिका ईन्चार्ज माया प्रशाद शर्मा ( पारसमणी ) ले प्रशिक्षण दिएका थिए ।
प्रशिक्षणमा बोल्दै अब जनताले लड्ने राजनैतिक लडाई विवेकशिल तरिकाको मौलिक ढंगले लड्नु पर्ने भएको हुदा ब्यबस्थित लडाईका लागी हरेक पार्टी कार्यकर्ताहरु ब्यबस्थित हुन र समर्थक, शुभचिन्तक अनि आम जनताहरुलाई व्यबस्थित गर्न आवश्यक रहेको वताए । साथै उनले प्रशिक्षण्कै क्रममा आफु र आफ्नो पार्टीले जनता र आम पार्टी कार्यकर्ताहरुलाई कहिले पनि धोका नदिने प्रतिवद्धता व्यक्त गरे ।
माओवादी श्रोतका अनुसार आगामी माघ महिना भित्रै कुनै न कुनै रुपले देशमा राजनैतिक परिवर्तनका संकेतहरु देखा पर्ने वताउदै आएको छ । त्यसको पूर्वसंध्यामा पार्टीले सञ्चालन गर्दै आएको देश व्यापी कार्यक्रम अनुसारनै जाजरकोट जिल्लाको विभिन्न स्थानमा ईलाका स्तरिय राजनैतिक प्रशिक्षण कार्यक्रम सञ्चालन गरिएको हुन सक्ने धेरैले अनुमान गरेका छन ।
प्रकाशित मिति:
November 02, 2014